28歲連登巴打儲不夠首期買樓結婚偷泣　無法給女友一個家：覺得自己好無用

「無樓無得結婚」是不少香港人的寫照。香港樓價高企，物價高漲，即使情投意合，計劃結婚時，一想到要行禮、婚宴等開支，以及婚後的住所，很多人也會卻步。有連登巴打在討論區發文表示，自己與女友已20多歲，步入談婚論嫁階段，雖然二人一直儲錢，但與目標仍有一大段距離，壓力甚大，覺得自己「好無用」。無獨有偶，另有巴打月入近3萬元，因無力繳付首期，女友母親告誡「唔好害佢個女」，二人被逼分手。不少網友看了也感到心酸，部分人表示正面對同樣的問題。

有連登仔日前以「琴晚我喺女朋友背後默默咁喊」為題發文訴說心事。他表示，與女友已27、28歲，拍拖6年，一直計劃結婚，但有感香港社會太現實，計劃難以實現，不禁哭出來：

其實一直都有計劃想結，但香港地好現實，咩都要講錢。就算我哋有儲，都覺得好難先夠錢買樓同結婚，傾傾吓忍唔住喊。

不過，他不敢向女友講出自己的顧慮，生怕加添壓力，「唔敢出聲，唔敢令個身震，唔想畀佢知自己嘅壓力」。他坦言，想給對方一個家也很難，甚至感到自己很沒用。

喺香港，想畀另一半一個承諾、一個家庭、一個屋企真係好難……望住鏡入面嘅自己，真係覺得自己好無用。

不過，就算月入近3萬元，扣除開支，也無法繳付首期。另有一位27歲網民，工作了4年，與女友同齡。他曾在討論區羅列各項開支：

29K一個月 
14K家用 
1.5K公積金 
1.5K還學費 
3.0K午餐交通 
3.0K同女友出街 
1.0K交稅/做人情 
儲緊6K一個月

他表示自己「每月拎家用擔起頭家」，直言養家甚辛苦。女友母親只問他「幾時買樓」，更說「貧賤夫妻百事哀」，勸他放棄，「唔好害佢個女」，更說「養到個女咁大，唔會畀個女同你屋企人一齊住。」過了幾天，女友竟對他說「 無首期，就要分手」。他心灰意冷，稱：

望住維港，香港真係好靚，但我唔識得係依個地方生存。 徹底失望，對自己，對女朋友。

對於不夠錢結婚，有網友留言表示「平有平搞」，又建議「結婚簽張紙咪算，D錢留返嚟全力上車」。另有人認為「買到樓唔代表成功同幸福」，又指供樓需時，同樣有壓力，認為「按自己能力去搵適合自己嘅生活先係最重要！」